Shillong:Ki pulit jong ka East jaiñtia Hills District,ha ka 30 tarik ïaiong 2024,ki la pynlong ia ka jing talasi kali ha Ratacherra Infil check post ha ka por 10 baje mynmiet, ha kaba kawei ka bus night super MTC kaba don ia u registration number ML-03-0216 la pynsahngeh bad talasi.
Ha kane ka jingtalasi la ïoh ban kurup na ka pla jong u wei u nongleit jingleit ia u ba la tip kyrteng kum u Mazizur Rahman Babhuyia u ba dei u khun jong u Mabasil Ali Barbhuyia, u ba shong ba sah ha Kachudaram Part -ii, PS sonai, Silchar, jong ka Cachar District jong ka jylla Assam.
Na une u briew la ïoh ban kurup ia u Drok heroin ba la thep ha ki 25 tylli ki synduk sabon ba shongdor haduh 2.1 klur Tyngka, u dawai Nitrazepam Tablet 3720 bad kawei ka Mobile phone.
La register case ha ki kyndon jong ka NDPS Act na bynta ban leh ia kaba donkam.
Kane ka dei ka sien kaba ar ba ki pulit jong ka jylla kin ïoh kurup ia u Drok ba shongdor bun bha ha ryngkat ka jinglamkhmat jong u myntri rangbah u Conrad Kongkal Sangma bad u Director General of Police DGP jong ka jylla ba kin ioh kurup ia u Drok ba shongdor haduh 2.1 klur tyngka.
Phi don ban ong eiei?