Kurup drok, kem 3 ngut

Shillong,30 Risaw:
Mynhynin ka sngi ki pulit ki la kem ia lai ngut ki briew kiba la tip kyrteng kum u Rema Hmar, John Baglary bad u Zanglal Kip gen, la kem ia ki na Madanrting, Shillong. Ki pulit ki la ioh kurup 4 kram u drok Heroin uba shongdor haduh T.12 hajar tyngka.
Ha kawei pat ka jingjia, ha ka step 28 tarik mynta u bnai ar ngut ki nongtrei bylla kiba la tip kyrteng kum u Amit bad u Killiang ki la tuh ia ki tiar kiba pyndonkam ha ka ban shna ing , kiba dei ki jong u Bah H. Dohling, na ka jaka trei kaba don ha Nongrah, Shillong. Ki pulit ki la kem ia ki bad ka jingtohkit ka dang iaid shakhmat.