Shillong:Ki pulit jong ka Lumshnong police station ha ka miet jong ka sngi saitjaiñ ka 25 tarik u Lber 2023, ki la ioh ban kem ia lai ngut ki briew na kawei ka sumo ha ryngkat 125.19 kram u drok heroin.
Ha ka jing pyllait khubor na ki Pulit jong ka East Jaiñtia Hills District, ki la iathuh ba ka kynhun Pulit jong ka Lumshnong police station ka la pynlong ia ka jingtalasi ia ki kali bad ha katei ka jing talasi ki la ioh ban batnoh ia kawei ka sumo ba don ia u Registration number ML 05-J8725, hadien ba la talasi ia kane ka kali la ioh kurup ia shiphew tylli ki synduk sabon na ka pla jong uwei na ki nong shong ha katei ka kali.
Hadien ba ladep ban peit bniah ia u tei u jingdih pynbuaid ba la tip kum u yellow/orange heroin, la pynngat noh ia kitei ki briew ha ka NDPS Act ha ka jingdonlang jong u nong sakhi.
La kem ruh ia uwei u briew, ba la tip kyrteng kum u Sanju Haque Lasker 29 snem ka karta na Dakshin mohsnpur Silchar jong ka jylla Assam.
La ioh kurup ruh ia u drok ba 125.19 Gram, ha ryngkat ka pisa ba 4550 tyngka lem bad ka epic card,adhaar card, driving licence, pancard jong u tei u ba la shah kem.
ia u drugs uba tang 1grm ruh ki pulit ki la lah ban ioh bat..hynrei ia ki truk 14 shaka ba kit dewiong pyllein pyllein kim lah ban kem,,,ki ong pynban ym don truck ba kit dewiong..