Kurup dieng ba shongdor T.2 lak na Dawki

Shillong, 17 Rymphang:
Ha ka sngi thoh dieng jong ka taiew ba la dep ki Custom ba don ha Dawki ki la ioh ban kurup haduh 122 kilo ki dieng kiba la tip kum u diengakor na kawei ka kali kaba shallan mar sha Bangladesh. La iathuh ba kitei ki dieng kiba la ioh kurup ki dei kiba la shongdor haduh T.22 lak tyngka. La ong ruh ba kitei ki dieng ki dei kiba la song bha bad thep ha ki byrni bad la buhrieh ha ka trok kit soh ban shallan sha Bangladesh.
Katkum ka khubor ba la ioh lum la iathuh ba u trai jong kine ki dieng Akor kiba la thmu ban shallan sha Bangladeh u dei u Abdul Muhit na Hojai na ka jylla Assam. Haduh mynta ym pat shym la ioh kem ia utei u trai dieng.