Shillong:Ka kynhun tohkit kaba kyrpang jong ka tnat pulit na West Garo Hills District kaba la tip kum ka Special Operation Team (SIT) kiba la sdang ïa ka jingtohkit ha 4 tarik haduh mynta ka sngi 7 tarik Naitung, 2022, ki la ïoh ban kurup haduh 45 tylli ki Bike ba la shah tuh bad la kem 17 ngut ki briew.
Ka SIT ka la ai bor ban tohkit ïa ki kam sniew kiba khlem lapdien kum ka jingshah tuh ki kali kiba la dep buh ïa ki ejahar ha ki san snem, kiba la shah kem baroh ki dei kiba la shah kynnoh donkti ha ki kam sniew kiba bun rukom bad kiba juh mlien ban tuh Bike.
Na kitei kiba la kem ki pulit ki la ïoh ban kurup 17 tylli ki mobile phone bad kine ki don ka jingïadei ha kaba tuh kali na kawei ka jylla sha kawei pat khamtam hapdeng ka jylla Meghalaya bad Assam. Ïa ki Bike ba la tuh na Assam la die sha Meghalaya bad ïa kiba na Meghalaya la die sha Assam lyngba ki nongdie kali rim.
Da ka jingïoh kem kine 10 tylli ki jingujor la lah ban pyndep ïa ki jingtohkit, na kine ki 45 tylli ki bike kiba la ïoh kurup, ki long 11 tylli na Rajabala, 12 na Jengjal, 2 na Tura, 7 na Bongaigaon, 13 na Dadenggre, kiba la shah kem pat 15 ngut na Meghalaya bad arngut na Assam, kiba tuh mobile na ki 17 tylli, ki don 10 tylli ki ehajar kiba la lah ban lap 6 tylli na Assm bad 4 tylli na Meghalaya.
Kine baroh kiba la thied ïa kine ki Bike bad kali dei ban la thied ïa ki khlem ki kot ki sla kiba biang bad khlem da ïoh ïa ka kaiphod na ki pulit , ki don kiba la thied kali lyngba ka OLX bad Facebook, ha kaba ïa ki kali tuh la pynbna bad die ïa ki da kaba pynjot ïa ki Engine number bad chassis number la leh ïa kane ba ki briew ka aiñ kin nym lap.
Na ka liang jong ki pulit ki la bthah ïa ki paidbah haba thied kali rim dei ban ïohlang ïa ka kaiphod na ki pulit ban lait na kano kano ka jingeh hadien habud, ïa ka kaiphod jong ki kali la ai na ka District Crime Records Bureau, Tura kaba don ha Tura Police Station, kane ka jingkhynra kan dang bteng bad kyrmen ban dang lap shuh shuh ïa ki nongtuh.
Ki pulit ka la dei bn pyrkhing bha ia ki jingbun ki kali rim nabar jylla ki ladei Ban pynlong daily checking