Shillong: Ki pulit jong ka ANTF East Jaintia Hills Khliehriat lem bad ki pulit kiba talasi mynder, ki la ioh kurup ia 10,000 tylli ki Ya Ba Tablet lane ki Madness Drugs, kiba la tip da ka kyrteng World is Yours, ha ka miet jong ka 12,13tarik Nailur 2019 bad kitei ki mar ki shongdor T.13 haduh T.15lak.
La ioh kurup ia kitei ki tablet na kawei ka bos, kaba wan Silchar sha Guwahati, tangba ia ka kyrteng jong uba shah kem, ym pat shym la pyntip paidbah satia.
Ha kawei pat ka khubor, la iathuh ba ki pulit ki la ioh kem ia uwei u briew uba na Ivory Coast bad sa arngut ki nong Nigeria, ki ia wan da ka bos na Silchar sha Guwahati bad kitei ki iathuh ba ki wan na Africa sha Bangladesh, lyngba ka visa kaba biang, hynrei ki la wan rung tuh sha India, lyngba ka Agartala, ha ka 12tarik Nailur 2019 bad hadien kata, ki wan sha Silchar da ka kali na ka nongbah Agartala jong ka Tripura.
La ialam ia kitei ki arngut, da ki trai shnong kiba tip bha na Bangladesh bad na India ruh.
Kitei kiba shah kem ki long U Ngyigide Jamina Okenchukwu (48), nangta U Okeke Ifechukwu John (27), U Koman Daniel (21).
Phi don ban ong eiei?