Kup ka Rimeika ïa ka pansngiat Miss Hornbill ha Nagaland

Shillong:Ka Samla Rachel Rimeika Jyrwa ba 19 snem ka rta na Mawlai, kala ïoh kup ïa ka pansngiat jong ka Miss Hornbill International 2023 hapdeng ka tamasa ba shongshit bha jong ka Hornbill Festival 2023 ha Kohima, Nagaland.

Ka samla Rachel kaba dang pule BA English ha Synod College, Shillong, ka la pynshoh biej ïa ki nongpeitkai da ka jingbhabriew bad jingstad, kaba la pynïoh ïa ka ym tang ka pansngiat Miss Hornbill International hynrei ban ïoh ruh ïa ka nam kum ka Miss Beautiful Smile bad Best Evening Gown.
Nalor kine ki khusnam, ka samla Rachel kala ïoh ruh ïa ka khusnam song pisa ba T. 2 lak bad T. 30,000 ha ka jinglehbha jong ka ha ki subtitles bapher bapher.

Kane ka samla kala ïoh ïa ka kyrdan ba-ar ne Second Runner’s Up ha ka Miss Shillong 2023 bad mynta kala pynkhreh ban ïasoi ïa ka contract ba shisnem bad ka Vogue Nagaland.
Ka Miss Hornbill International 2023 ka dei kaba la wan ïashimbynta da ki thei bhabriew na kylleng ki bynta jong ka Ri India bad ki Ri ba marjan.