Kumno ngi dei ki Khrist Lamler haba ngi dang ngeit ha U Blei Nongbuh Nongthaw

Kane ka dei ka jingpynshai shaphang ka jingthoh ha ki social media kiba la mih ha kine ki sngi. Hadien ba la ia kren khatduh bad i Rev. Phadar Anselm ha ka 21/01/2023 ba im treh ban pynshai halor ka jingthoh. Kumta i la ong ba nga hap ban pynshai hi dalade namar kata nga kwah ba phi baroh phin ym sngewthuh bakla kumba la thoh bad kren.

Da kaba burom ia ka jinglong briew man briew jong ngi, Nga kum u nongshah kynthoh ha ka social media ha kine ki sngi, nga la phone bad ia kren bad i Rev. Phadar Anselm Nonglait, Diocesan Administrator jong ka Nongstoin Diocese shaphang ka jingthoh jong i ba la pynmih ha ki social media. Nga la pynshai ia i ba kam dei ka jingpynkyntang Lyngdoh namar ka jingpynkyntang Lyngdoh ne baptism lah ban ai tang shi sien bad ngam ngat ha ka ain Balang Katholik Canon Law, Can.751 kaba don ki kyndon kum ka Heresy bad Apostasy. Lada u ne ka briew ka dang dong jingngeit ha U Blei Nongbuh Nongthaw, yn ym hap shuh kumba la kynnoh ha ki tei ki kyndon. Hynrei nga shuh kwah ban pynkynmaw ia ka Canon Law, Can. 755:1 The purpose of which the restoration of unity between all Christians which, by the will of Christ, the Church is bound to promote. Kumta nga kwah ban ong ba ngam dei u nongialam bakla ne u suri kup snieh langbrot kumba la shah kynthah ha ka jingthoh.

Hangne nga kwah ban pynshai la da ngi dang ngeit ha U Blei bad ka jinghikai jong ka jinglong Khristan bad ngim dei ki Khrist Lamler. Kine ki nongthoh ki dei ban da tip ia ka tynrai bad jingsdang bad ym dei ban tharai sniew ia kiwei.

Ha ka jingshisha dei ba long ka shlem jong ka jingai ia ki jingshisha hynrei kylla long pynban ka shlem jong ka jingai ia ki jingbakla namar kim wad ia ka jingshisha. Kumta ka long pynban kum ka shlem ka jingpynjot, ktah mat ioh, shah peit khmat sniew bad pyniap ia ka jinglong briew long blei jong ki wei.
La ong ba mih uba kam bishop ialade ban pynkyntang Lyngdoh. Hangne nga kwah ban ong Kam dei ka jingpynkyntang Lyngdoh namar ym lah ban pynkyntang Lyngdoh arsien.

La thoh bad kynnoh ki khrist lamler. Kumno ngi dei ki Khrist Lamler haba ngi dang ngeit ha U Blei Nongbuh Nongthaw. Kumta ki channel ki dei ban wad bniah ia ka jingshisha. Hato ka dei shisha ne em kumba ki kynthoh?
Ha kane ka jingthoh bad jingpynshai jong nga ka long tang ia ka jingkynnoh bakla hynrei kam don kano kano ka jingkawang ktieh ne wad dong wad nia. Namar baroh ki briew ki long kiba duna bad ym don ba biang lut. Ha ka jingshisha ka jingwan jong ngi ha kane ka shnong bad thain ka long ban ai jingnang jingstad ia ki khynnah kiba kim lah ban ioh ia ka lad kum ki khynnah ha ki thain sor. Kumba ong u Prime Minister Modi, Lada ki nongkyndong ki shai bad baroh ka wei ka Ri hi kan shai. Halor kane ka nongrim ngi kloi ban shah shitom ban kyntiew ia ki khynnah sha ka jingnang jingsdang kaba ia ryngkat dor lem bad ki wei. Wat la ka jingsiew jong ki ka long tang khyndiat hynrei ngi ai pat iaka jingnang jingsdang kumba long ha ki wei ki nongsor. Hynrei ki jingmih jong kine ki jingkynthoh ha ki social media ka la pynduh jingshaniah noh ha ki kmie ki kpa ba phah skul bad ka long kaba sngewsih bad ka la ktah shi bun ia ka jingim jong ngi ha man la ki liang. Khamtam ia ka shnong ka thaw hangne hapoh Langniuh, Mawtikhar bad ki wei ki wei de baroh shi jylla. Kum kine ki jingshah kynnoh lamler ka la pynsngewsih lut ia ki briew kiba ngeit ha U Blei Nongbuh Nongthaw. Kumta nga kum u nongshah kynnoh bad nongpynshai nga sngewsih bad khuslai jur ia ka la wei. Dei tang ka jingleh khlem da pyrkhat jong ki Nongphah khubor bakla.

Khatduh khatwai ngi kyrpad ia baroh ba phin ia sngewthuh namar ka long ka byn dei kumba la pynmih pyrshah ia ngi ha ka social media. Hato lada jia ei ia ka jingim jong ngi mano ban kit khlieh? Shuwa ban pynmih ha ki social media ngi dei ban tip ia ki jingshisha hato ka dei ne em knangba kan ym pynsngewsih ia ka jingim jong ki wei bad ym shah kynnoh lamler ba ki dei kiba sniew.
Khublei shibun.

Bah Daniel Kurbah,
Langniuh.