Shillong:U myntri khynnah jong ka sorkar pdeng, uba bat ia ka tnat Electronic & info rmation technology, u Rajeev Chandra sekhar u la ong ba ka jingkular jong ka parti TMC ban ai kam ia ki samla ha ka jylla Meghalaya, lada ki ioh ban synshar ia ka jylla Meghalaya, ka dei ka jingkular ba thylli, ka bym don eiei namar ba ha jylla West Bengal ki khlem lah ban leh, ia kaei kaba ki la dep kular ha shwa jong ka elekshon, kaba pynlong ia ki khun samla ba kin shah ktah ha ka kyrduh kam kyrduh jam bad u la ong ruh ruh ba ka jing phai khmat jong ka parti TMC sha kiwei pat ki jylla ka lah ban dei namar ka jing synshar ia ka jylla West Bengal ka la synjor. Hynrei ka parti BJP, pat ka dei ka parti ka ba lah ban wanrah ia bun ki skhim bad ka roi ka par ha ka jylla bad ka ri hi baroh kawei la ka dei ha ka ioh kam ioh jam jongki khun samla.
Haba iadei bad ki jing kynnoh jong ki liang pyrshah ba ka parti BJP kan ym jop ha jylla Meghalaya hynrei kan shu thied ia ki MLA, u myntri u la ong ba ka parti BJP, ka dei ka parti ba kiew bha ha ki liang baroh, ha kaba bun na ki nongialam ki kwah ban ia treilang bad ka BJP, ha ka jingialam jong u Narendra Modi.
U la ong ruh ki liang pyrshah kim lah shuh ban ialeh pyrshah ia ka BJP, lyngba ka roi ka par bad kumta ki la pyrshang ban ialam bakla ia ki paidbah ha kiba bun rukom bad kynnoh ruh ba ki thong da ka pisa na bynta ka jingiohnong politik, hynrei ka BJP, kam juh leh ia kum kine kiba ka liang pyrshah na ka por sha ka por ki kynnoh.
Haba iadei bad ka ILP, na ka liang jong u Chandrashekhar u la ong ba lada ka parti BJP hi kan wan ha ka bor kin leh eiei haba iadei bad ka mat jong ka ILP, namar kiba bun hi ki jingeh khamtam lei ha ki thaiñ shatei lammihngi jong ka india kaba la tip bha kum ka jaka jong ki kynrum kynram, la ka dei ha ki kynhun kieng atiar ne kiwei kiwei, hynrei ha ka jingialam jong ka BJP bad u Modi, ki jylla jong ka thaiñ shatei lammihngi ki la hiar bha haba iadei bad ki kam kaikhlaw, la ong u myntri.
Haba iadei bad ka jingkam jong ki katto katne ki sorkar jylla, ia ki skhim ba la mang da ka sorkar pdeng, u myntri u la ong ba lada ka jingthok jong ki katto katne ka kham kor ban ia ka jingshisha, ki paidbah nongthep vote ki dei ban sngewthuh bha, hynrei lada ka sorkar bjp kan ioh ban synshar ia ka jylla Meghalaya bad ka sorkar pdeng ka jylla meghalaya kan ioh shibun ki jing myntoi, la pynkut u Chandrashekhar.
ka BJP ka dei ka parti niam Hindu,
u modi un pynkylla hindu Country kumba long ha Vatican.
hynrei yn ym lah da lei lei ruh ban synshar da kawei ka niam hapoh India,
u modi dei u capitalist,. u ban privatisatise ia baroh ki public undertakings.
crores ki job loss
Lada ki politician ki pyndep hok ia la ki jingkular khlem pep ka Bneng kan wah hiar ha sla khyndew. Tangba ka ktien bad ka kam hi bunsien kim iadei. Bha ban nai kular ei ei bad shu pyni beit da ka kam namar ka long pop lada khlem pyn urlong…