KUMNO KA KYIAD KA KTAH ÏA U BRIEW

Sphondar Thongni

Ka Kyiad ka ktah nyngkong eh ïa u briew ïa u briew shimet kaba mut ïa u nongdih hi,la ka long ha ka long rynïeng ne ka akor ka burom ne ka ktien ka thylliej.U nongdih bunsien u don ka mynsiem sngewmeng, sngew sarong kat haduh ba um tip shuh ïa ka bha ne ka sniew,u kren ki ktien sih tien sang bad u thiah ruh shaba lap bashem wat ha ki lynti shnong ,ki nylla surok.

Kaneka jingleh jong u ka ktah ïa ka burom ka ijot jong u hi. Ka ktah ïa ka ïing ka sem; Haba Don u nongdih ha ïing ka ktah Beit ïa ka ïing ka sem ïa ka burom jong ka ïing.Lada dei u kpa nongdih ka ïing ka sem bunsien ka jot ka pra.Niar eh ban shem ba lada kpa u dei u nongdih ba ka long ïing long sem kan don ha ka jingsuk,kan don Beit ha ka jinghuri hura.Ka jingïamai ïa nia teng teng wat ka ïa shoh ïa dat, ïa tim ïa tla ne wat ban ïa pait ïing pait sem ne ka ïa pyllait San shyieng noh tang nadaw ka jingbuaid u kpa.

Ka Kyiad ka ktah ïa ka imlang sahlang: La jan baroh ki jingsniew ha ka imlang sahlang mih na ka Kyiad.Kane ka pynshlur ïa u briew uba la buaid ban leh ki kam sniew kam poh kum ka jingïakhalai,ka jinglehawria ka jingïashoh ïa dat ïa pynïap,ka jingbatbor ïa ki kynthei, khynnah,ka jingtuh,jinglute.Ka jingsheptieng jong ki kynthei khynnah ïa u nongdih buaid kine ki ktah ïa ka imlang sahlang. Ka kyiad Ka Ktah Ïa ka koit ka khiah: Ka kyiad ka Ktah Ïa ka koit ka khiah.Ka jingdih kyiad kyrni ka Ktah Ïa ka koit ka khiah bad ïa ka bor pyrkhat pyrdaiñ.Uba kyrni dih kyiad u at u sib,ka met ka jngem,ki khmat ki saw,bad ka jingpynhiar mynsiem ka iewtung.Ka ktah ïa ki tor,u klongsnam,bad ïa u khyllai.Ka kyiad ka lah ban pynlyngkot wat ïa ka jingim briew ruh.