Kumno ka BJP kam lehraiñ ban leit ïasoh sorkar u Conrad, ong U Uddhav

Maharashtra:U Myntri Rangbah barim ka jylla Maharashtra u Uddhav Thackeray, haba kren ha ka jingïalang paidbah hapoh Shn ong Khed, ha ka sien kaba nyngkong hadien ba u la duhnoh ïa ka kyrteng Shiv Sena bad ïa ka shap jong ka Ryntieh ka Khnam, u la khyrwait bad ther kylla ïa ka BJP ba ka la ïasoh lang bad ka sorkar khleh khaw lang jong u Myntri Rangbah ka jylla Meghalaya u Conrad Sangma bad ka party NPP kaba ha Meghalaya.

Haba buh ka jingkylli ïa ka jing ïasoh sorkar ka BJP ha Meghalaya, u Uddhav Thackeray u la ong, “U Amit Shah u la kren shibun bha bad u la pynïahab kyrdan ban kynnoh ïa ki kam bamsap pyrshah ïa u Conrad Sangma. U Amit Shah u la ong ba ka ïing ka sem u Sangma ki la longtrai ïa ka jylla, ki la bam lut ka pisa jong kiba duk bad ka Meghalaya kadon ïa ka sorkar jylla kaba bamsap tam hapoh ka Ri India. Hynrei tang ha ka sngi ba pynbna ïa ki kyrteng ki MLA kiba jop na ka jingïakhun ïa ka ilekshon sha Assembly, u PM Modi u la da pynbna ban kyrshan na ka bynta u Conrad Sangma, kumno ka BJP kam lehraiñ.”