Kumno ban sumar ia u shniuh

[ba bteng]

3)Kaba sait manla ka sngi:Kaba sait daka sabon ne shampu man la ka sngi ka ialam sha ka jing duh noh ia ki umphniang ha ki snieh khleh bad ka nang tyrkhong shuh shuh ia u shniuh kaba Islam sha ka jing kwah sait manka ka sngi.Pyrshang ban sait shampu ia u shniuh 2 ne 3sien shitaiew.

4)Ka Jing pyndonkam da ki kor pynrkhiang shniuh(hair dyer):Ka Jing pyndonkam daki kor pynrkhiang shniuh kiba khluit kan nang pynsniewdur shuh shuh ia u shniuh, namar u shniuh jongphi u la shah pynkhluit lypa na ka jingshit jong ka sngi namar kata ialeh ban kiar naka ba pyndonkam iaki.

5)Ki jingpynjlih(conditioner)kiba lah ban shna hi ha iing:Ban ioh ia u shñiuh uba phyrnai bad jem sait ia u da u apple juice vinegar bala khleh lang bad ka um naka bynta ka jingjlih tynrai (natural hair). Nangta sleh khyndiat ka umphniang snepkor ne u makhon, ieh kumba katto katne por bad sa sait ia u shñiuh.Kane ka rukom leh kan pynioh ia u shniuh uba jem bad phyrnai bha khamtam iakito kiba don ia u shniuh u ba kdor.Phi lah ban leh iakine shisen shitaiew.Kane kan nang pynbha shuh shuh ia u shñiuh jongphi.

6)Khuslai shuwa ban sum ha ki pung um:Lada phi dei kiba ju mlien ban sum haki rud duriaw ne haki pung um(swimming pool) khamtam haki por lyiur,phim donkam shuh ban khuslai.Shuwa ban rung shapoh um pynjhieh ia u shniuh jongphi nangta sa khleh lang 3pawa ka apple cider vinegar bad 2 pela ka um,sa tah ha u shñiuh ba jhieh jongphi ban lait naka Jing tyrkhong ki shniuh khamtam iakito ki ba ju mlien ban airong ia u shñiuh.Ka iarap ban pyn jhieh sah ia u shñiuh shuwa ban rung shapoh um namar ka pyllait na ka jing shah ktah u shñiuh ha ki um duriaw ne um pung.

7)Pyndonkam da ka umphniang kaba khluit shuwa ban sait shñiuh: Ka umphniang snepkor, olive bad avocado ki dei kiba bha ban pyndonkam haka por lyiur.Nyngkong pynkhluit malu mala iaka umphniang sa tah pat ha u shñiuh baroh shitylli,ieh kumba 2 ne 3 kynta bad hadien kata sa sait pat ia u shñiuh da ki conditioner ba shna hi ha iing kumba la kdew haneng.Da kaba leh kumne kan pynjem bha ia u shñiuh jongphi khamtam haki por lyiur. [phah ia ki jingthoh jongphi ruh ban sumar ia ka met ka phad ha [email protected]]