Shillong: Katba ka jingiadie ia thied ha Iewduh ka dang shongshit bha ha ka por 12 shiteng mynsngi jong ka 26 tarik u bnai Risaw 2021 ha basa tungrymbai, hynrei kyndit kynsan ki paidbah kiba iaid ba ieng na katei ka jaka ki la her syrngiew bad kyndit hi thret kumba ïuh tdong bseiñ namar ba ki dang mut ba don ba buh bom ha Iewduh.
Halor katei ka jingmut ba don ba wan buh bom, ki nongshong basa ha Iewduh ki la ong ba kim tip satia u dei u ei hynrei liak ki la shu iohi beit ba don ka jingmih tdem na utei u tiar bad kumta hi ki la phet bak na la ki jong ki basa ba ki shong. Ki pulit jong ka Cantonment Beat House ha ryngkat ki pulit pynlip bomb marsyn ioh jingtip halor kane ki la leit bak sha Iewduh ban khmih dalade hynrei ynda ki la poi ha katei ka basa ki la lap ba dei pynban da u Sperm Freezer Nitrogen Gas Cylinder.
Ki pulit ki la iathuh ruh ba ia utei u cylinder la don uwei u rangbah briew u ba la wan kam ba u dei u cylinder jong u bad u la buh ia utei u cylinder ha ka basa jong u paralok jong u, katba u dang leit donkam shawei bad utei u rangbah u dei u ba trei ba ktah hapoh ka tnad Veterinary bad utei u tyndong gas u dei u ba ki nongri masi ki shait pyndonkam.
Phi don ban ong eiei?