Shillong:U myntri ka kam rep kam riang ka sorkar jylla u bah Banteidor Lyngdoh u la ong ba u kyrshan ia ka Bill ba la wanrah da ka KHADC ha kaba ia dei bad ka jingpyntreikam ia ka ILP “Nga ruh nga dang dei u MDC, kum u MDC nga kyrshan ia katei ka bill kaba dei na ka bynta ka ri bad ka jaitbynriew” u la ong.
Hynrei ha kaba ia dei pat ka sorkar u bah Banteidor u la ong ba bay m dei tang ma u marwei uba donbor hynrei un dang hap ban ia syllok bad ki paralok kiba donlang hapoh ka kynhun jong ka MDA, “Na ka liang ka sorkar ngam dei tang nga marwei, ngin ban ia shong hapoh ka MDA ban peit hato ka biang ne kam biang nadong shadong, haba ngi thaw ia kano kano ka aiñ” u la ong.
U bah Banteidor u la ong ba ka la don ka jingkren paralok jong u bad ki para myntri sorkar shaphang katei ka kam hynrei kam pat don pat ka jingiakren ha ka jingialang jong ki myntri sorkar, “Kum ki paralok ngi la ia kren na ka por sha ka por , ngi ju pyrkhat ruh para ma ngi hynrei haduh mynta kam pat don ka jingiakren ha ka sorkar, ka sorkar kan hap ban pynleit jingmut bha ia kane” u la ong.