Kulmar thlim ka Nongmensong, na ka khubor iathoh ha Greenwood Resort

Shillong: Ka Seng Samla Shnong Nongmensong, ka sngew khia hadien ba la mih ha kawei ka khubor, lyngba ka Social media (Facebook) ba la thoh ba u nongiathoh shynrang u dei na Shnong Nongmensong, u ba iathoh ha Greenwood Resort Khanapara Guwahati ha ka 27tarik Jylliew 2020. “Mar ia mih katei ka khubor ka la pynkulmar thlim ia ki paid nong shong shnong ka Nongmensong.

Kumta lyngba kane ka kyrwoh ngi kwah ban pynshai ba kane ka khubor kam dei ka ba shisha. Bad ruh ngi maham ia kino kino ki briew shwa ban thoh eiei halor ka Shnong Nongmensong ba kin wad bad tih bniah ban tip ia ka jingshisha bad sa pynmih khubor khnang ban ym wanrah ka jing kulmar ha ki paidbah” ong ka kyrwoh na U bah P Warjri, President bad U bah C Kharmawphlang, Secretary.