Kulmar thlim ka Khyndailad, kthong da ki spah ngut ia uwei u briew

Shillong: Myn hynnin ka janmiet ka Khyndailad,ka la kulmar thlim ha kaba da ki spah ngut ki paidbah ki la kthong ia uwei u nongdie madan, hynrei kim shym la ioh, naba ki pulit pyniaid kali ki la ai jingiada ia u da kaba set hapoh ka sem ki pulit pyniaid kali. Katei ka jingjia ka la jia na ka daw ka jingkhih bitar ki nongdie madan ia uwei u briew uba la kren pyrshah ia ka India bad iaroh Pakistan.
Ha kaba nyngkong la iathuh ba ka don ka jingiatai nia hapdeng ki 2 ngut ki nongdie madan, uwei u kren da ki ktien pyrshah ia ka India ha katei ka jingiania bad uwei pat hynrei katei ka khubor ka la saphriang sa ha kiwei pat ki nongdie madan bad ki la mih kynsan puk ban wad ia utei u briew hynrei ha katei ka por ki pulit pyniaid kali ki la ioh ban tan ia utei u briew shapoh sem jong ki bad kham sa shiphang la wan poi sa ki pulit ka Sadar Police ryngkat bad ki SOT bad la lah ban pynpra ia u paidbah.