Kular U Director DHTE, ia ki samla CMJ

Shillong, 6 Jylliew:
U Director ka Higher and Technical Education (DHTE) u la kular ban wad klas ia ki samla pule jong ka CMJ University hadien ba la khang kdam ia katei ka jaka pule namar ka kynrum kynram.
Ia ka hukum ba la pynmih da DHTE ka la ong ba ka tnad kan sa eksamin bniah ia ki lad ki lynti ban pynwad klas ne jaka ia kito ki samla ba la shah ktah na ka jingmih ka kynrum kynram ha CMJ University.
Ka DHTE ka la bthah ia ki samla pule ban ai ia ki jingdonkam jongki sha ka ophis jong u DHTE ha Additional Secretariat naduh ka 7 tarik Jylliew haduh 17 tarik ban pyndep ia kane kaba donkam.
Haba kren hynne sha ki nongthoh khubor, ki samla pule kiba iakynduh ia kane ka apot, ki la ong ba la pynmih hukum halor da ka DHTE bad la bthah ia ki ban ai ia ki jingdonkam shwa katei ka 17 tarik ban leh ia kaba donkam.
Shwa ia kane, ki samla pule ki la ai por ia ka sorkar ba ka dei ban weng noh ia ka jingeh ba ki iakynduh kaba dei mynta ka sngi.
Ki la iathuh ba kin leit iakynduh ia u Lat u RS Mooshahary ha kane ka sngi Thohdieng por 12 baje.
“Ngin iakren ia ki kam ba iadei bun na ka bynta jong ngi ki samla pule kum ka jingsiew ba la siew sha ka CMJ University ba dei ban pynphai biang nalor kiwei”, la ong ki samla pule.
Ki la pynpaw ba ka sorkar kan shim lem ban shim ia ki lad ki lynti ban iarap ia ki namar ba mynta ki la iakynduh ia ka khim khait.