Kular shna Nala U MDC

Shillong, 20 Jylliew:
U MDC ka Mawlai u Bah Process T Sawkmie u la kular ha ki nongkitkam jong ka shnong Mwaroh ba un shna pynbha ia ka nala kaba la wanrah bun ki jingeh ia ka shnong ki jaboh jabain. Ha ka jingleit iakynduh jong u bad ki nongkitkam shnong dang shen u Bah Process u la kyntu ia ki nongkitkam shnong ba kin pynbiang ia ki kot ki sla kiba iadei bad katei ka jaka khnang ban ioh shna noh.
U la ong ba ka jingleit jong u kam dei ban shu leit peit kai hynrei ban pyni ia ki kam.
U Bah Sawkmie u la pynpaw ia ka jingsngew kmen ba u dang ioh ia ka lad ban iatrei lang bad ki nongkitkam ka shnong.