Kular ka myntri rit paid,ha ki heh NPP ban peit Dong Mihngi

Shillong, 25 Jylliew:
Ka myntri ba peit ia ki rit paid ha ka ri ka Najma Heptulla ka la ong ba ka sorkar NDA hapoh ka jingialam ka BJP kan peit kyrpang ia ki briew jong kane ka thain North East ban wanrah ia ka roi ka par bad ka ioh ka kot.
Ka Heptulla ka la ong ia kane ha ki nongia lam ka National People’s Party (NPP) kynthup ia u James Sangma, u Conrad Sangma bad u Manirul Islam Sarkar ha kane ka sngi Balang ban iakren kyrpad ban ai ia ka jingphai khmat kyrpang ia ki paidbah kane ka thain.
Ka Heptulla ka la kdew ba kane ka sorkar kan ai ia ka jingpeit khmat ia kane ka thain ban kyntiew ia ki kam ban shna kam khnang ba ki briew kane ka thain kin kiew ha ka ioh ka kot bad kiwei ki kam imlang sahlang.
Ka la pynthikna ba ka ka sorkar NDA kan ai ia ka jingkyrshan kaba pura ia kane ka thain.
Ki nongialam ka NPP ki la iakren ia ka myntri halor ki jingeh ba iakynduh ki rit paid kane ka thain kynthup ki Khristan, Muslim, bad kiwei.
Ki nongialam ka NPP ki la pynsngew ruh ia ka jingdonkam ban pynbha ia ki jaka pule bad ki kam ai jinghikai ia ki rit paid khnang ban kyntiew ia kane ka thain, khamtam ki jaka pule ba la seng da ki Khristan kiba la ai ia ka jingshakri kaba bha sha kane ka thain.
Ha kajuh ka por, ki la pynsngew ia ka jingeh ha ka liang ka suk ka sain kaba la mih ha ka thain Garo hills, ha kaba ki paidbah ki iakynduh ia ki jingeh ba har rukom.