Kubur u myntri ba jah ki phail

Shillong, 10 Jylliew:
U myntri ka tnad Border Areas Development u Bah Prestone Tynsong u la kubur ba ki phail (files) ka jah shisha na Secretaiat kaba dei na kane ka tnad. U la iathuh ia kane hapoh ka iing dorbar mynta ka sngi Hatmajai.
U Bah Tynsong u la iathuh ba ka tnad CID ka la sdang ban pynlong ia ka jingtohkit halor kane ka jingjah ka phail kiba iadei bad ka skhim border area na Secretariat.
“La ujor FIR ha ka 19 tarik Lber ha Sardar police station bad ia kane ka kam la rejister ha ka kyndon 380 IPC bad ki pulit ki dang pynlong ia ka jingtohkit mynta”, la ong u Bah Tynsong haba jubab ia ka jingkylli u nongialam liangpyrshah u Dr Donkupar Roy.
Katkum ka jingong u myntri, ka daw ba jah kine ki phail lah ban tip hadien ba la dep ban pynlong ia ka jingtohkit. U la ong ba ki phail ki dei halor ka jingpyntreikam ia ka skhim ban shna ia ka Syndai Park ha Syndai jong ka West Jaintia hills.
Halor ka jingkylli u Bah Paul Lyngdoh la ka sorkar ka la shim ne em ki lad ki lynti ban tehlakam ia kum kane ka jingjia, u Bah Tynsong u la ong ba ka tnad ka la bthah ba dei ban tehlakam ia kane ka jingjia.