Ktah ka lock down ia ki nongri masi dud

(Bah Bankhrawbok Myrboh)

Shillong: Ka kam ri masi khemdud ka dei kawei ba ki kam kaba ai jingmyntoi shisha ia ki nongrep bad bun ki nongshongshnong kane ka jylla ka jongngi kila sdang ban phai khmat sha kane ka kam ban kamai bad pyndap iala ka ing ka sem, hynrei naduh ba lah sdang kane ka khangdam da ka sorkar jylla ki lah shitom shi katdei eh ban pyniaid ia ka dud bad bunsien ia ka dud da ki spah bad hajar Litre lah shu theh kai sha madan namar bym don jaka ban pyniaid iew.

Haba ioh ban ia kren bad katto katne ki nongrep na ka thaiñ Mawryngkneng bad Upper Shillong kiba im ja da ka kam ri masi dud ki lah iathuh ba naduh ba wan kane ka khlam covid 19 ia ka dud kaba ki shait pyniaid sha ki dukan ruh kim ioh shuh bad kito kiba ju ai sha ki jaka pynlang dud ka sorkar ( Govt. Dairy Plant ) ruh mynta bun ba ka dud ka wanphai kylla sha shnong namar ba lah shlei palat bad bym don shuh ka lad ban pyniaid iew, kane ka lah buh jingeh shibun ia ki namar ka dor jong ki jingbam masi bad ki dawai da shin kila nang kiew jan man ka sngi bad don lei ki bapli kiba shim da ka ram ban thied masi mynta ka la buh jingeh shisha ia ki ba kin lah ban siew ia kane ka ram kaba ki shim. Kumta ki lah kyrpad ia ki bor sorkar ba kin leh eiei halor kane ka bynta bad ban iarap lem ia ki nongrep kiba ri masi dud.