Kohima: Ka NSCN (I-M) hynnin ka sngi, ka pynpaw ba ka la don ka jing ia mynjur hapdeng ka sorkar India bad katei ka seng, na ka bynta ban poi sha ka soskular ban pynkut ia ka jingiakren hapdeng ki ar liang mamla.
Katei ka seng ka iathuh ba ka pynleit jingmut bha, halor ka kular ka sorkar India, na ka bynta ban poi sha ka jing iabeit halor ka lama ki Naga bad ka riti synshar ba kyrpang ruh kumjuh bad ka khmih lynti ba katei ka phang, kan poi noh sha kaba ia beit khlem pynslem shuh.
Haba ka sorkar India, ka dang pynkhreh ban soi ia ka soskular, halor ki mat jingdawa jongki Naga, kumta baroh ki Naga, ki dei ban long kiba la pynkhreh ialade, ong ka kyrwoh, kaba la pyllait hadien ka jing iakren kaba la pynkut por noh ha ka 31tarik Risaw 2019.
Ka IM, ka ong shuh shuh ba ka la rai ban ia klet noh ia baroh ki jing ia bakla ki jing ia tam hapdeng ki hynmen ki para bapher bad ki ruh ki dei ban map noh ia ki jingbakla na ka jingleh jong ka IM, ha ka kyrteng kaba khraw tam jong U Jisu Khrist, ong ka kyrwoh.
Kat kum ka jingthoh la ong shuh shuh “Ka don ka por ia ka thma, ka don ka por ia ka jingsuk, ka don ka por ban trei bad ka don ka por ban shongthait” bad la ong shuh ba U Blei, ula sngap ia ka jingiam ki Naga bad ula kren sha ki nongialam jong ka sorkar India.
Phi don ban ong eiei?