Kren lymwir i Kong Pretty

I kong Pretty bapli ibym pat da slem eh ha ka seng UDP, ila shu kren lymwir ha ki kot khubor , tang ban ialam bakla ia ki paidbah, hana ba nga shna hi ia ki kyndon ha ka UDP bad mynta hana nga pynkhein hi. Tip ki kyndon aiu kita?

Ngan sngewnguh lada i kong Pretty Kharpyngrope, President ka Seng kynthei UDP in pynmih tang kawei ruh la biang, ia kano-kano ka rai lane kata ka jingshna ia ki kyndon ka UDP da ma nga marwei, ia kaba nga pynkhein hi mynta.
Ha ka UDP, la ju don bun ki Committee kiba ai jingmut ia bun ki jait kam. Ym ju don ka Committee jong uwei u briew, uba lah ban shna hi marwei bad ban rai marwei, ha ki por ba la leit.

I kong Pretty iba la ju don teng ha ka MDP bad iba la ialeh ia ka election 2008 na Malki- Nongthymmai Constituency, nga nang mut ba ila tip ia ki rukom trei kam ka Seng, phewse i kren lymwir bad i kwah eh ba ngam dei ban pynwit ha Nongkrem Constituency, hynrei ban leit ialeh na Malki-Laitumkhrah, kaba nga la dep mad. Nga leit mynta sha Nongkrem namar haduh mynta ruh ym don u Candidate UDP, hadien ba la mih i Bah Ardent, namar wat ha ka ilekshon ba la dep 2018, ym shym don u UDP Candidate na kane ka Nongkrem Constituency. Uba ki la pynkhreh mynta, um ju don ha ka UDP bad um dei ruh wat tang u Associate MLA UDP, kumba long i Bah S.K.Sun bad u Samuel Sangma, baroh 2 ngut ki Independent MLA.

Kumta wat ia pyrshang riam ia nga na Malki-Laitumkhrah, nga la rai skhem ban ym kynriah na ka jaka kaba nga la iaid la shisnem, ban ialeh pyrshah ia u Candidate UDP-bula jong i Kong Pretty bad kiwei ki nongialam ba mynta.

Bah Bindo M Lanong