Kren kyllain ka sorkar, ong ka UDP

Shillong, 29 Risaw:
Ka UDP Youth Wing ka la sngew lyng ngoh ia ka jingkren kyllain ka sorkar  halor ka mat kaba iadei bad ki khlieh nongsynshar kaba la wanrah ia ki paidbah ha ka jinglyngngoh.
Ha ka kyrwoh ba la pynlait u general secretary ka UDP Youth Wing u Bah Hamletson Dohling u la ong ba ha kawei ka bynta u Myntir Rangbah u la ong ba ka sorkar kan nym tuklar ia kam jong ki rukom synshar shnong kiba hap ha ka Autonomous District Councils katba ha kawei ka liang ka sorkar ka la thaw ia ka Meghalaya Grassroot Institutions Governance Act 2015. Kane ka bill ym tang ba ka thmu ban tuklar ia kip hang kiba hap ha ki ADC hynrei ka pyrshang ruh ban pynduh ia ka VIth Schedule ka riti synshar ka ri da kaba pynduh ia ki rukom synshar shnong. kane ka dei ka jingpyrshang ban rat dyngkhong ia ka synshar tynrai bad donkam ban pyrshah tyngeh ia kane, la ong u Bah  Hamlet Dohling.