Dimapur: Ka jingdawa jong ka NSCN-IM ka dei ia ka Nagaland kaba heh, ka ban don ia la ka jong ka lama bad ka riti synshar ri ruh, ong U Thuingaleng Muivah, General Secretary jong katei ka seng hynnin ka sngi bad katei ka dei ia kiwei pat ki jaka ba marjan, kiba ki shong ki sah ki Naga ha kiwei pat ki Jylla.
Ka jingdawa jong ki Naga, ka long halor ka hok jongki hi bad “Ngin nym pyndem satia, na ka bynta la ki jong ki hok” ong U Muivah. “Ka jingdawa jongngi, ka dei ia ka lama ba kyrpang jong ka Nagaland, ka riti synshar ri la ka jong bad lada ka sorkar India, kam pdiang, kam don da kawei pat ka lynti ban poi sha ka jingiasuk” ong U Muivah, ha ka jingialang kaba la long ha ka ktem jong ka NSCN-IM ha Hebron.
U Muivah, u ong ba ka NSCN-IM, ki la ia soi soskular ha ka 3tarik Nailar 2015, hynrei ka sorkar India, ka nang pynslem ia katei ka soskular, ula ong shuh shuh.
“Ka dei ban don namarkata ia ka lama la ka jong bad kam dei tang ka lama ban shu buh dur bad ka riti synshar ri ruh”. U Muivah, u ong ba ka NSCN-IM, ka la poi sha ka jingiakren bad ka sorkar India bad u khmih lynti ba u muktiar jong ka sorkar India, U RN Ravi, un lah ban sa wan phai shen ban iakren bad u paidlang Naga.
Sngew jawdud baki Naga ki don ki nongialam kiba shlur ban dawa iaka hok jongka jaitbynriew. Mangi pat ym don satia kiba shlur bad shynrang mynsiem kum maki ! Lehnohei ka jongiasoi soskular jongki Syiem hyndai bad ka Sorkar India. Mynta ngi la shah iuhroit tangba ym i don ba salia ia kane!