Kop ia tainia 6tylli ki Sengbhlang ia ka kong Ampareen na ka New

Shillong
Shillong,11 Naitung:
Ki sengbhalang ba kynthup ia ka KSU, FKJGP, CSWO, KWADA, HNYF, TUR bad kiwei pat ki la kop ia ka Myntri ka tnad kam pynroi sor ka kong Ampareen Lyngdoh ban iatai nia hakhmat ki paidbah halor ka phang New Shillong Township bad ki la kyrpad ruh ia ka ban pynbeit ia ka por bad ka jaka kat kaba ka sngewbit.
Ki sengbhalang kiba la kynnoh ba ka kong Ampareen ka la shah pynsngewthuh bakla ha kaba ia dei bad katei ka jaka ba la shu thmu ban leh ju bor hynrei watla katta ruh ka dang pyrshang ban pyndep ia katei ka jingthmu jong ka . “Ngin iai bteng ia ka jingpyrshah jong ngi ia katei ka jingthmu ban tei ia ka New Shillong kaba long pyrshah ia ka mon jong u paidbah” ong ka kyrwoh na ki Sengbhalang.
Ki sengbhalang ki la kynnoh ruh ba katei ka jingthmu jong ka sorkar jylla bad ka Myntri kam pynroi sor ka dei ka jingpynkhein ia a ain bad ki kyndon jong ka Riti synshar ha ka kyrteng jong ka roi ka par.Ki la ong ruh ba dei na kata ka daw ba ki sa khot ia ka bad ki ophisar jong ka tnad ba ka dei peit ban ia shim bynta ha ka jingia tainia kaba yn pyni paidbah khang ba ki paidbah kin sngewthuh bad in ioh jingshai ha kaba ia dei bad ka New Shillong. “ Lada ka sorkar ka long kaba khuid bad kaba trei na ka bynta u paidbah kin ym kyntait ia kane ka jingiakop ia tainia ka ban tbeh jingshai sha u paidbah.