Kob U Tarun Gogoi, ban sangeh ka kam politiks, lada jop ka BJP palat 100ngut ki MLA ha Assam

U Tarun Gogoi, myntri rangbah barim ka Assam, ula pynbna lypa mynta, ba un sangeh shi syndon na kam sain hima sima, lada jia ba ka Bharatiya Janata Party (BJP), kan jop palat ia shi spah ngut ki dkhot sha ka iing dorbar Jylla ha ka elekshon 2021.

U Gogoi, u kren shai ba ka Congress, kan thaw ia ka sorkar ba thymmai ha Assam bad kan jop palat ia 80 ngut ki dkhot ha ka elekshon, ka ban sa long shen. U Gogoi, u ong shuh shuh ba lada ka jing ia treilang ka Congress – AIUDF, ka jop duna ia 35 ngut ki dkhot, un sangeh shi syndon na ka kam sain pyrthei.

U Tarun Gogoi, ula pynbna ba ialade, un nym ialeh elekshon satia ha ka sien ka ban wan bad u kyntait ruh ba U Gaurav Gogoi, uba dei u dkhot jong ka iing dorbar Lok Sabbha bad uba dei u khun jongu, ba un wan phai sha ka Jylla, ban long u kyrtong mynti rangbah jong ka seng Congress.