Kob U MDC, ka BJP ban rat dyngkhong ia ka Congress na Garo Hills

Shillong, 23 Risaw:
“Nga jop ia ka elekshon ba dang shu dep na ka 13 Zigzag, halor ki phang, kiba dei pyrshah ia ka jingbamsap jong kane ka sorkar U Mukul Sangma, ka jingkhyllem ka suk ka sain ha Garo Hills” ong U Bhupendra Hajong, uba dei tang uwei na ki MDC, ba dang shu shah jied jong ka seng BJP, haba iakren bad une u nongthoh khubor.
Haba kynthoh halor ka jingiathuh lypa jong U Mukul Sangma, ba ha ka elekshon 2018, ka BJP, kan nym jop wat tang uwei ruh U MLA, U Hajong, ula kren kob, ba ha ka elekshon 2018, un jop, da kaba suk ha Mahendraganj, kaba dei ka Constituency jong ka kurim U Mukul Sangma bad ym tang katta, ula ong shuh shuh “Ngin ia khun tyngeh bad ngin jop ha ki 5,6 tylli ki Constituency ha Garo Hills” ula ong shuh shuh.
U President ka BJP Meghalaya u Bah Khlur sing Lyngdoh u la jubab kylla ia ka jingkren jongu Myntri Rangbah ka jylla u Dr Mukul Sangma, ka dei ka jingkren  lynga namar ba um sngew thikna shuh ia la ka party ba kan dang wan ha ka por.“Ka BJP kam nym jop wan tang kawei ruh ha u 2018”, la ong u Myntri Rangbah Mukul Sangma dang shen.“Ka jingkren jong u Dr Mukul ka dei ka jingkren lynga mynsiem, namar ka jingkutlad”, la pynphai nia kylla sa u President ka BJP Meghalaya haba iakren bad u Rupang ha kane ka sngi Palei.“Ngim pat kwah ban kren bun eiei halor kane”, la bynrap u Bah Khlursing. U Dr Mukul u la kren ia kitei ki kyntien ha ka jingiakren bad ki nongthoh khubor hadien ba la niew ia ka jingiathep vote jong ka Garo Hills Autonomous District Council (GHADC) kaba jia ryngkhat ruh ba ka BJP ka la jop na ka Zikzak konstitwensi MDC kaba hap ha ka konstitwensi MLA ba ka lok jongu ka mihkhmat.“Ka jingkren da ka sngew bitar ka jingkutlad”, la ong u Bah Khlur.Kumba ka paw, ka BJP ha ka 2018 ka la buh thong bun tylli ki dak jingkhein ba kan rah ha kane ka jylla.Na ki khubor ba la iohlum, la iathuh ba la don bun ki MLA/MDC bad ki nongmihkhmat barim ka jylla kiba la sma iwbih ia ka lyer BJP khamtam hadien ba ka la wan ha ka bor ha ka sorkar pdeng bad ha kiba bun ki jylla ha ka ri.
Na ka liang ka BJP kam pat kwah ban pynpaw eiei ia ki briew kiba la pasiaw ha ka namar ba ka dang ap shwa hadien ka elekshon ha Assam kaban long lashem snem.La sngewthuh ba lada ka BJP kan jop bad bat ia u shabuk synshar ha Assam khlem pep ha kane ka jylla Meghalaya ruh kan khihwin bha ka lyer ka BJP.Ka BJP ka don bynta ban iathaw ia ka Executive Committee ha GHADC hapoh ka jingialam ka NPP kaba dang iaid mynta katto katne sngi.