Kob ka Iran, ba ka la pynkhreh ban ialeh thma bad ka America

Ka Iran mynta ka sngi, ka byrthen tyngeh mynta ka sngi, ba ka la pynkhreh ban ialeh thma pyrshah ia ka America lane kaba ka ong, ka thma ba pura bad ka ong shuh shuh “Ki ktem jong ka America baroh, ki don ha ka jingpoi jong ki nam ding jongngi suda”.

Katei ka jing byrngem, ka wan na u nongialam shipai ba heh duh jong ka Revolutionary Guards, hadien ka jingshah pynbthei ka kad pynmih umphniang jong ka Saudi Arabia. Ka Iran, ka kyntait ruh ba ka don bynta ha ka jingpynbthei ha ka kad pynmih umphniang jong ka Saudi Arabia, kumba la kynnoh da ka America.
Ki ehrang Houthi kiba na Yemen, ki kam trai halor katei ka jing pynher drone bad pynbthei ia ka kad umphniang ka Saudi Arabia bad kitei ki dei ki ehrang, kiba don jingiadei kaba jan bha bad ka Iran. Ka jingshah pynbthei, ka la ktah ia mar shiteng eiei, ka jing pynmih umphniang jong ka Saudi Arabia.
Na ka liang jong U Secretery bar ri ka America, U Mike Pompeo, u iathuh ba ka jingwan her jongu drone, kam dei na Yemen, hynrei u pynthikna ba ka wan na Iran.