Ngi im ha kane ka Ri India kaba don ki Jaitbynriew ba pher ba pher hala ki jong ki jong ki Riti ki Dustur, ka ktien ka thylliej, ki Niam ki Rukom bad kiwei kiwei pat ki jinglong kyrpang hala ki jong ki jaitbynriew ba pher. Ïa ka Ri India la tip ruh kum ka Ri kaba bun eh ki Jaitbynriew ba pher ba pher kiba don ruh la ki jong ka niam ba pher bad ïa ki baroh la pynïatylli lang kawei kum shi para da ka Riti Shynshar jong ka Ri India. Dei ka Riti Shynshar (Constitution) jong ka Ri India ruh kaba ai ïa ngi iwei pa iwei ban ngeit niam laitluid bad ban mane Blei laitluid da kaba bshuh ïa ka kyntien Secular ha ka Preamble jong ka Constitution jong ka Ri India. Bad dei ruh kane ka kyntien Secular kaba khang pyrshah ïa uno uno u riew shim kabu ne kano kano ka kynhun ban khot kyrteng ïa ka Ri India ne ka Jylla ne kano kano ka shnong ha ka kyrteng jong ka niam.
Ka long shisha kaei kaei kaba la pynsngew lehraiñ haduh katta katta ïa ka Jaitbynriew jong ngi ban ïohi ha ka 25tarik Jymmang, 2021 ha ka Youtube Channel jong ka Batesi Tv ha kaba u MDC jong ka Mawhati Constituency, Bah Charles Marngar ula kam ba ka Jylla Meghalaya ka dei ka jylla kristan (Christian State). Ngim shym la poi pyrkhat eiei ruh em ba kum ka tei ka jingkren biej ne ka jingkren buaid kan mih na ka shyntur jong uta u briew uba ngi dang khmih lynti ba un long u nong thaw aiñ ban pynneh pynsah ïa ka kyntien Secular jong ka Riti Shynshar jong ka Ri India khamtam eh uba ngi dang khmih lynti ba un long u nong thaw aiñ ban pynneh pynsah ïa ka jinglong kyrpang jong ka Jaitbynriew Hynñiewtrep jong ngi. Ngi sngew lehraiñ ruh ban ïoh MDC kum ma u uba dang khyllung ka bor phyrkhat, uba dang duna ka jingtip bad u bym pat tip eiei ba ka Ri India ka dei ka Secular State ha kaba u la kren kum ka tei ka kyntien kaba ktah matïong haduh katta katta ïa ka Jaitbynriew. Ka paw shai ba u tei u briew u dei uba buaid niam bad lada ïoh nong mih khmat kum kine kiba buaid niam kan sa don ka por ba kin sa ong ne kin sa kam ba ka jylla Meghalaya ka dei ka Hindu State ne ka Islamic State hangta leilei kan poi haduh u pud jong ka jingïa umsnam na ka jingïa kam nongkynti ha ka kyrteng jong ka Niam.
Ka Jylla Meghalaya ka dei ka Hynñiewtrep-Achik State kaba la long trai da ka jaitbynriew Hynñiewtrep bad Achik? Kam dei satia ka Christian State kumba la kam lamwir bad kam khleh biej da u bah Charles Marngar. Ka jingkam jong u bah Charles Marngar ba ka jylla Meghalaya ka dei ka Christian State kam don jing ïapher eiei ruh em na kito ki buaid niam muslim kiba khot Islamic State ïa ka jaka kiba bun paid ma ki. Lehse ngi lah ban ong ba u bah Charles Marngar u long thik kum kito ki buaid niam muslim, shu pher noh ba ma u lehse u dei u buaid niam kristan.
Kiba kum kine ki briew, ha ka jaka ban pynïa tylli ïa ka Ri, ban pynneh pynsah ïa ka jinglong Secular jong ka Ri India ki pyrshang pynban ban phiah ïa ka Ri India bad ïa ka jylla ha ka kyrteng jong ka Niam, kaba lah ban wanrah ïa ka jingïa sngew pher niam (Communal conflict) ha ka Ri jong ngi.
Kum ki Trai Ri Trai Muluk (Concern Citizens) kiba longtrai ïa kane ka jylla khamtam eh ïa ka Ri Khasi Jaintia ngi sngew ban pynrem jur ïa u bah Charles Marngar uba la pyrshang ban pynkylla ïa ka jylla jong ngi sha ka jylla Kristan. Dei kaba kum kane ka jingkren, ka pynlong ïa kito ki dkhar rynjiw rynjaw kiba long kristan ban sngew longtrai ïa kane ka jylla Meghalaya bad ban pyn sngew long nongwei ïa ki trai Ri Trai Muluk kiba la shong la sah hangne naduh ki por kulong kumah.
Watla kata ruh, lehse ka jingkren jong u bah Charles Marngar ka don kaei kaei kaba sha lyndet kaba ngi kum ki Trai Ri Trai Muluk (Concern Citizens) ngim shym la ïoh jingtip eiei. Kumta da ka mynsiem ba sngewkhia ngi pan jingpynshai na u bah Charles Marngar kumne ha rum:
- Mynno la pynbna ïa ka jylla Meghalaya kum ka jylla jong ki kristan (Christian State)?
- Mano kita kiba la ïa don kti ban leh ïa kane ka kam be-aiñ?
- Hato ka Jylla Meghalaya kam dei kaba la longtrai da u Hynñiewtrep bad Achik?
Ngi kyrpad ïa phi bah Charles Marngar ba phin sngewbha ban jubab ne pynshai ïa kane ka jingkylli ha poh ka 7 sngi naduh ba kane ka jingthoh ka mih ha ki lad pathai khubor bad lada phim lah ban ai ka jubab kaba biang ha poh jong katei ka por, ngi dawa ba phin pan map mardor na ka Jaitbynriew halor ka tei ka jing kam ne jingkren jong phi. Bad lada phim lah ban jubab ne pynshai ne pan map na ka liang jong ngi ngim bynse ban ujor sha ki bor ba halor.
Khublei Shibun
Na,
- E. Sohtun, East Khasi Hills
- J.Lyngdoh Marshillong, South West Khasi Hills
- N. Chen Bareh, Jaintia Hills
- A. Nongkhlaw, Ri Bhoi District
- Bad kiwei kiwei.
Kum bakla kren te um myllei dei ban map..
Wat ju pynshai rea bah Charles kiei kine …ba order kumne ….kimat ujor kn bski kwah ujor namar ba trei ka lock down Kim donkam shuh SA rat ita ruh phah pan map….
Kani baroh dei tang ka jingsgewthuh bakla..um dei tang i bah charles ba pynmih ia kata ka kyntien ki bun bah ki briew ba pynmih ia kata ka kyntien ha ki jingrwai ruh phin lap ba ki pynmih ruh ia kata ka kyntien da phi kwah ban object hap object lang ia baroh um dei tang ia i marwei..bly phi don daw ne bad ine i Bah da phi don daw te leit kynduh markhmat iathuh ia i kita ki daw ia shai markhmat bly ban da ia ialam bakla kumni ia ki paitbah nong meghalaya..phi la long kita ki briew ba kham stad ba kham shai ba kham iohi jngai kren kum kita kein ki briew bly pat ban da ia kwah haduh katne eh..ngam kyrshan ia kane ka jingleh jong phi kumne👎👎
Ki ne ki briew ba thoh ruh ki dei ban sngewthuh ban shu kren eh kumne ..I kumba ka pynpaw ba maki ruh lehse ki dei kita ki shongshit niam…. Namar shisien ba thud la da dei ba kren mano mano halor ka niam …kita kiba thud ruh ki dei ki shongshit niam… Ngi kyrshan ia I bah C Marngar ba in ym sngap ia kum kine ki briew..shongshit.
kine ki briew te la shit khlieh palat la shu kwah woh daw sa tang ba shu ong christian state ruh kim sngewthuh ba dei tang ka kyntien ba shu ia ong paidbah baroh baroh namar hangne Meghalaya te imat kham bun ki khristan na kata ka daw ………..ko bah Charles Marngar wat sngap ia kum ki tei ki briew.
Baroh ki lah dep tip lpa bad sngewthuh hi hala marwei …ngim don kam jingpynshai , haduh katno kata ka Jingkren jong i bah Charles ka ktah ?
Lada phi ruh phi kwah ban Ong ba kane kadei kata ka hindu or muslim or soitan state etc. phi lah ban Ong ..ha nga marwei Ngam sngewei ei .
Da ong khristan ruh sa lei ko, katba dang lait na kaba ong niam khyllah jait. Ka tynrai baroh te ngi long na u U juh u Blei uba long U Kpa uba ha bneng. Ia ka ri Meghalaya jongngi ruh lah niew ha ka Northeast kum kawei na ki Christian state namar ba buntam ki khristan ban ia kiwei ki jaitniam. Kadei hi kaba i kren ma i. U Blei un bishar ia kaei kaba dei bad kaba lait. Ngi ki briew da thew than ruh bun ba dang ia duna bad dap ki jingbakla suda.