Shillong:Ha ka janmiet jong ka 7 tarik lber 2020 uwei u pulit u la kynthih na ka railing ban knieh ia ka ‘Mobile Phone’ jong ka wei ka nongthoh khubor EastMojo ha lad Umsohsun. Kane ka jing jia ka la pynkyndit shibun ia ki nongthoh khubor bad ia ki paidbah khamtam kiba iohi.
Ka Princess Rashir kaba dei ka nongthoh khubor jong ka EastMojo hadien ba ka la wan phai na Iewduh katba ka dang ring video na Lad Umsohsun, uwei u pulit u la wan mareh bad kynthih na ki ‘railing’ ban knieh ia ka ‘mobile phone’ jong ka khlem da kynjoh ktien ne kren ei ei. Na ka liang ka Princess Rashir ka la kynriah bad hylla ia u pulit ban ong ba kadei na press bad um don hok ban shu knieh ia ka ‘mobile phone’ khlem kynjoh ktien.
Uwei u heh pulit ba don lang hajan u la kren da ka ba ong kumno ki pulit kin ithuh ba phi dei na press? bad na ka liang ka Princess Rashir ka la ong ba ka jing leh u pulit kam dei tang ba phi dei na press ne ki riew paidbah, namar ki pulit kim don hok ban shu wan kynrup ia ka mobile khlem da kynjoh ktien shwa.
Na ka liang u SP traffic u B.D Marak bad ka SP East Khasi Hills District ka Claudia Lyngwa ki la pynrem ia ka jing leh jong une u pulit.
“Nga la dep kren bad ki OC jong baroh ki thanat ba ki dei ban btah ia baroh ki pulit ba kim dei ban leh kum ba leh uwei u pulit mynta ka janmiet” kala bynrap.
Phi don ban ong eiei?