Shillong: Ha ka 30tarik Naitung 2023, la ejahar ha ki pulit ha Sadar, ba ha ka 29tarik Naitung 2023, ha ka por 6.45 janmiet, la don uwei u briew, uba tep jain ialade, uba la leit rung ha iing sah ka jong Janaki Toi (70) ha Umsohsun. Utei ula ktah kti ia katei ka longkmie bad ula knieh noh ruh, ia ki jingdeng ksiar jongka, ka mobile phone bad ka atm card ruh. Ki pulit, ki la shimti, ia ka jingtohkit, lyngba ka Sadar P.S C/No. 196(07)2023 U/s 452/ 326/ 392 IPC bad ha ka jingtohkit, la lap ba u don uwei u briew, uba na Mawblei, uba donkti ha katei ka kam. La leit khynra ia ka iing jong utei u briew, ha ka 1tarik Nailar 2023 bad ha ka jingtohkit, ula phla, ba ula leit khura ha iing jong ka kong Toi bad ula tuh ia ka sati ksiar bad ula leit die sha u nongdie ksiar ha Mairang bad la ioh kurup noh ia katei ka sati ksiar, katba ia utei uba shah kem, la aiti ha ka jingbishar jong ka kashari.
Bun tang ki kam sniew suda