Kmen ki Rangbah Shnong ia ka rai ka Supreme Court

Shillong, 16 Rymphang:
Ka Synjuk ki Nong synshar Shnong Ka Bri u Hynniew Trep ha ka Executive Committee jong kaba la long mynta ka sngi ka la pynpaw ka jing sngew nguh ia ka KHADC kaba la leit ban ujor sha ka Supreme Court halor ka rai ba ka High Court ka la pynmih ha ka 10 tarik u nohprah, 2014 bad ha ka 13tarik u kyllalyngkot 2016.
Ka SNSBH ka la pynpaw ruh ba ka pdiang sngewbha ia ka rai jong ka Supreme Court kaba la pynmih ha ka 12 tarik u rymphang, 2016 bad kaba la ai bor biang sa shisien ia kiRangbah Shnong ba kin treikam katkum ki kyndon jong ka District Council kiba la pynkup bor da ka riti synshar ka ri India. Kane ka long kat kum ka kyrwoh na u bah RL Blah General Secretary.