Shillong: U Myntri rangbah ka jylla u Conrad K Sangma, u la iathuh ba na ka liang ka sorkar jylla, ka kloi ban pyllait ia ka kaiphot halor ka jingpynbeit ia u pud u sam hapdeng ka jylla Assam bad Meghalaya hynrei ia kane ka kaiphot kin sa pyllait, ynda ka sorkar jylla ka la dep ban ia kynduh bad u Myntri kam pohing ka sorkar pdeng.
Kum shibynta ban pyntip halor jingiaid shakhmat ban pynbeit ia u pud u sam hapdeng ka jylla Meghalaya bad Assam na ka liang ka sorkar Meghalaya Democratic Alliance (MDA) hapoh ka jingialam jong u Myntri rangbah ka jylla la pynlong ia ka jingialang mynta ka sngi.
Kane ka dei ka sien ba ar ka ba la pynlong ia ka ne ka jingialang bad baroh ki ba don bynta lang, kynthup ia ki nongialam shnong ,ki sengbhalang bad kiwei kiwei ban pynpaw sha ki, ia ki sienjam ki ba ka sorkar ka la shim ban lah ban pynbeit noh ia u pud u sam ha ka jylla.
Haba ia kren halor kane ka bynta na ka liang u Myntri rangbah ka jylla u Conrad K Sangma u la iathuh ba ka jingkhot ban pynlong ia kane ka jingialang bad ki briew ba don bynta ka long ban pynpaw sha ki ,ia ka sien jam ka ba ka sorkar ka la shim halor ka jingpynbeit ia u pud u sam hapdeng ka jylla Meghalaya bad Assam . “Ngi la iathuh ia ki halor ki katto katne ki bynta ,ha ka ba ngi la iathuh halor ka jingshim rai na ka bynta ki katto katne ki jaka,ha ka ba na ka liang jong ki ,ki la pynpaw ia ki katto katne ki jingsngewkhia, ki la ai ruh katto katne tylli ki jingaijingmut ha ka ba ki la pynpaw ruh ba ki kwah ban ioh ia ka kaiphot halor kane ka bynta”la ong u Myntri rangbah. U la bynrap shuh “Ka jingialang ka long ka ba seisoh, ha kaba na ka liang ki sengbhalang ki la pynpaw ba ka la dei ka por ban iaid shakhmat ban pynbeit noh ia kane ka mat”. Haba kylli u Myntri rangbah u la ong “Ka long kaba donkam ban ia syllok lang bad baroh ki ba don bynta lang,namar kam dei ka ba bha ia ka sorkar ba kan buhrieh ia kane ka mat namar ba baroh ki don ka juh ka jingsngewkhia”.
U myntri rangbah u la ong ba halor kane ka mat, ym kwah ban ieh shadien iano iano ruh, ha kaba u la dep ban ia syllok bad ki MLA ka Congress party bad kumjuh ia ki MLA na kiwei ki party, un sa khot ban ia kren lang ia ka ne ka bynta.
It makes a lot of sense ba ngi kum ki khasi/ pnar ban ioh noh ka seperate state namar bun hi ka long kaba eh ia ki Khasi ban kren/sngewthuh phareng.. ha kano ka rukom shong meeting ha jaka khasi u CM u kren phareng sha nongkyndong..katno ngut ba sngewthuh.Te kane baroh ngi hap ban puson bha..U mizo ruh u don minorities tangba ha assembly u kren da ka ktien Mizo…Learn from the Mizo.