Kloh pla ka thei ar- met ha iewduh, lait shah shoh ba kloi ki pulit

Shillong,11 Jylliew:
Ka jingkynrei ka jingkloh pla ha iewduh kam long tang ha ki shynrang hynrei wat ki kynthei ruh ki pyrshang ban leh ia katei ka kam. Mynta ka janmiet ha ka por 5:30 eiei kawei ka kynthei dkhar ka la shu lait salit na ka ingshah shoh shah dat ha ki kynthei Khasi namar ka jingkloh pla jong ka na kawei ka longkmie ha Motphran.
Katto katne ngut ki kynthei Khasi ki la mut ban shoh ban dat ia kawei ka kynthei dkhar hadien ba la lap ba ka kloh ia ka pla pisa jong kawei ka longkmie Khasi ha kaba ki la ioh ruh ban knieh biang na katei ka kynthei dkhar ia ka pla pisa.
Hynrei hashuwa ban jia kaei kaei kaba sngewsih ha Motphran, ki pulit pyniaid kali kali kim banse ban shimti noh ia katei ka Dkhar bad ban leit rah ia ka sha Lumdiengjri police station. La iathuh ba katei ka kynthei Dkhar ka dei kaba dang don ha ka jingarmet. Ka jingtohkit ki pulit ia katei ka kynthei ka dang iaid shakhmat.