Shillong 19 Nailur: U samla Steve Jyrwa u ba mih khmat na Shillong ha ka jingiakop shad ka Indian Best Dancer Season-4 u ba la poi haduh ka kyrdan Top-6, ha ka ba u la ioh shibun ka jingiaroh na ki nongbishar ki ba dei ki tyngshop bad Puron bapaw ka Bollywood.
U samla Steve u dei u khun jong ka jong Bibi Jyrwa bad ki ba shong basah ha Nongmynsong, East Khasi Hills District.
Ha ka jingiakren bad u bah Kitbok Thabah president ka All Meghalaya Dancer Association (AMDA) u la ong, ba u Steve u la poi shaduh ka kyrdan Top-6 katba kiwei pat ki dangdon ha ka Top-10.
Ka jingpoi u samla Steve ha ka kyrdan Top-6 kadei namar, ba ki nongbishar ki la itynnad palat ia ka rukom shad u Steve, u ba pher ka jingshad ban ia khein bad ki para nongshad baroh namar u long u ba sted, ong u bah Kitbok.
U bah Kitbok Thabah u la pyntip biang sha ki paidbah ka jylla, ba nalor ka app Sonny Liv ka ba ki paidbah ki la dep ban download, mynta na ka liang ki ba pyniaid ia ka Indian Best Dancer ki la pynmih sa kawei ka app bad kata kadei ka Lenskart, ba kin ai biang sa 50 ka vote na kane ka app khnang ba ka vote u Steve kan heh shuh shuh.
Shuh shuh u la ong, ba u Steve u donkam kumba 90% ka vote na ki paidbah bad lada u Steve u khlain ka vote un sa poi sha ka Semifinal bad ruh shaduh ka Grant Final. Kumta u bah Kitbok Thabah u la kyrpad biang sha ki paidbah ka jylla ba kin sngewbha ban vote sa da ka app Lenskart
Phi don ban ong eiei?