Kitbok samla pule ka WBAS

Shillong,6 Rymphang:
Ka Western border Association Shillong, WBAS ka kitbok kit rwiang ia baroh ki samla pule ka thain kibab don ha ki eksamin bapher bapher jong ki ba kin pass bha bad ban poi ruh ha ka kyrdan ba shakhmat khnang ba kin lah ban wanrah nam rah burom ia ki para thain border baroh, ka ai khublei snem thymmai ruh ia baroh ba kin ioh ia ka met ba khiah ba krad.
Ka Association, ka la pyntip ruh ba kam shym la lah ban khot ia ka jingialang ha u snem ba la dep na ki daw bym lah kiar hynrei ka la pyntip ba shen kan sa khot ia ka Executive Komiti jong ka ban pyrkhat sani na ka bynta ka jingshakri ia ki para thain kiba shong ba sah ha ki dong bad ki bynta bapher bapher ka sor Shillong. Ka seng ka la maham ruh ia ki ba pyndonkam bakla ia u lum jingtep khlem da ioh jingbit bad khlem da ai bor da ka seng, katkum ka kyrwoh ba la pyllait paidbah da u Paibot Syiemlieh, President.