Kitbok ka kur Marngar ia u bah Charles u kyrtong Congress na Mawhati

Nongstoiñ: Kum shibynta ban nang ai mynsiem ia u para kur u bah Charles Marngar u ba don ka mynsiem ban shakri ia ki kam paidbah, na ka liang jong ka kur Marngar Ri Khasi Jaintia ka phah ia ka jingkitbok kitrwiang ia u khamtam ba un poi sha ka thong.

Katkum ka kyrwoh khubor na u president jong ka kur Marngar Ri Khasi Jaintia la ong ba u bah Charles Marngar u dei u kyrtong u ban sa iakhun ia ka elekshon MDC na ka Congress napoh ka Mawhati konstitwensi.

Shuh shuh ka kyrwoh na u president ka kur Marngar ka ong ruh ba na ka liang jong ka kur hi baroh kawei ka phah ia ka jingkitbok ia u bah Charles Marngar ba un ioh ia ka jingjop kaba don burom ha kane ka elekshon ka ban sa long ha ka taiew ka ban wan mynta u bnai.

Ka kur Marngar ka la dep ruh ban pynpaw ia katei bad shim rai ruh ha ka Dorbar kut snem jong ka kur Marngar Ri Khasi Jaintia Sengkmie kaba la long ha ka 8 tarik mynta u bnai hapoh ka Community Hall Lumkshaid Mawprem.