Kit kulai bam hati ka MTC:HDR

Shillong, 10 Risaw:
Ka tnad Meghalaya Transport Corporation (MTC) ka la kit kulai hynrei ka bam hati da kaba kamai duna bad pynlut khambun bad ia kane la iathuh da u myntri ka transport u Bah HDR Lyngdoh. U Bah HDR Lyngdoh u la ong ba ka Meghalaya Transport Corporation (MTC) ka kamai duhnong ha ka jingpyniaid bus ha ka jylla kynthup sha Guwahati bad Silchar.
“Ka jinglut ka kham bun ban ia kaba ioh”, la ong u Bah HDR haba jubab ia ka jingkylli ba la wanrah da u MLA ka Mawlai Bah Embhahlang Syiemlieh hapoh iingdorbar.
U la iathuh ba ka sorkar ka la ioh kamai tang T. 79.91 lak ha ka shi snem bad ka la hap ban buria na pla haduh T.1.75 lak.
Haba jubab ia ka jingkylli bynrap na u MLAka NPP u James K Sangma, u Bah HDR u la kubur ba ka MTC ka dang ruh ban hap siew sha ki nongtrei jongka.