Kin bun ki High Risk Contact jong ki 2 ngut, kiba ioh pang khlam, naba wan iathoh:Dr War

Shillong: U Director ka tnad ka koit ka khiah, u Dr Aman War, haba ia kren bad ki lad pathai khubor u la iathuh ba na ki 41 ngut briew, kiba la leit ban shim bynta ha ka jingiathoh shong kurim, ha ka 27 tarik u Jylliew 2020 ha Green wood Resort Khanapara,Guwahati, ki don 2 ngut ki long test positive ia ka jingpang Covid-19,u wei u dei na Pynthorumkhrah bad uwei u dei na Lachumiere, Shillong.

U Dr A War u la iathuh ba ki briew ki ba ia jan lane ia kynduh (High Risk Contact ) ia u briew u ba la leit ban shim bynta ha ka jingkhawai ia thoh shongkurim bad test Positive na Pynthorumkhrah haduh mynta dang lap tang ia ki 23 ngut bad ia u briew u ba sah ha Lachumiere, la lap ia ki 21 ngut ki High Risk Contact.

Na ka liang u Dr A War, u iathuh ba ka jingwad ia ki briew kiba iajan bad kine ki briew ka dang iaid shakhmat, hynrei kan dang don ka jingkiew ha kaba iadei bad ki briew kiba iajan lane kynduh bad kine ki 44 ngut ki briew kiba long ki High Risk Contact bad na ka liang ka tnad ka koit ka khia kan dang wad ia ki baroh. U la iathuh ruh ba ia kine kiba long positive na Shillong kynthup ia uba na Pynthorumkhrah bad na Lachumiere, la pynkit noh ia ki sha Civil Hospital katba ia ki 44 ngut ki High risk Contact, la pynkit noh ia ki, sha ki Institutional quarantine Center ba kin pyndep ia ka quarantine.