Kilan met Yoga u Lat ka jylla

Shillong, 21 Jylliew:
Lem bad ka pyrthei, ka jylla Meghalaya ruh ka la rakhe ia ka sngi kilan met Yoga ha kane ka sngi u Blei ka 21 tarik Jylliew ha kiba bun ki jaka.
U Lat ka jylla u V Shanmuganathan bad ruh u Myntri Rangbahduh ka ri u Nanrendra Modi ki la kilanmet Yoga nalor kiwei ki ri ki la rakhe kyrpang ia kane ka sngi kum ka Sngi Kilanmet Yoga.
Tang ha kane ka jylla ki don haduh 14 tylli ki jaka kilanmet Yoga. U Lat ka jylla u Shanmuga nathan u la leit kilanmet Yoga ha Garrison Ground, Rhino Training Centre, Shillong bad ha kane ka jaka la wan ban iashim bynta bun bah ki briew kiba dei ki dkhot ka NCC.
Ki don haduh 4958 ngut ki dkhot ka NCC ha kane ka jylla kiba leit ban iashimbynta a kane ka jingkilanmet Yoga ha ki 14 tylli ki jaka ba la pyn khreh ha kane ka jylla. Ka UN  ka la pynbna ia ka 21 tarik Jyl liew kum ka  sngi rakhe ia ka Yoga ha ka pyrthei hadien la tyrwa da ka India ha kaba 175 ngut ki dkhot ka UN ki kyrshan ia kane. La tyrwa ia kane da u Myntri rangbahduh ka ri u Narendra Modi  ha ka jingialang ba 69 ka United Nations General Assembly (UNGA) ha ka 27 tarik Nailur, 2014.