Ka dor jong ka Petrol ka la kiewdor la 14sien kynthih mynta ka sngi U Blei, ha kaba ka dor jongka, ka poi sha ka T.78.12 shi litar ha Delhi.
Ka dor jong ka Petrol mynta ka sngi ha Delhi, ka poi sha ka T.78.12 shi litar ha Delhi, na ka T.77.97 shi litar ha ka Sngi Saitjain.
Mynta ka dor jong ka Petrol ha Mumbai ka poi sha ka T.85.93, katba ha Chennai, ka poi sha ka T.81.11 shi litar, na kaba long T.85.78 shi litar ha Mumbai bad T.80.95 shi litar ha Chennai ha ka Sngi Saitjain.
Ka dor jong ka diesel, ka la nang kiew sha ka T. 69.06, T.71.61, T.73.53 bad T.72.91 shi litar mynta ka sngi ha Delhi, Kolkata, Mumbai bad ha Chennai.
Ka don ka jingkhmih lynti ba ka dor jong ka Petrol, kan kham hiar ha ki sngi ban sa wan, namar ba ka umphniang rew, ka hiar sha $76 na ka $78 shi barrel ha ka Sngi Thohdieng.