Kiew stet ka khlam covid sa ha Mizoram, kiba pang, ki don 2,307ngut ha ka shisngi

Kiba ioh pang covid mynta ka sngi, ki don 39,361 bad ka jingpang, ka la nang kiew stet sha ka thain shatei lam mihngi, kynthup ha Kerala bad ha Maharashtra.

Ki san tylli ki jylla, kiba bun eh kiba ioh pang, ki long ka Kerala, ha kaba ki don 17,466 ngut, nangta ka Maharashtra da 6,843ngut, ka Mizoram da 2,307ngut, ka Andhra Pradesh da 2,252ngut bad ka Odisha da 1,833ngut.

Ka jingdon kiba pang, tang na Kerala, ka long 44.37 percent, haba ia nujor ha kylleng ka India, mynta ka sngi. Kiba iap, ki bun eh ha Maharashtra, da 123ngut, nangta ka Odisha ka long 67ngut, ong ka khubor jong ka India Today.