Shillong: U Dr Aman War, DHS (MI), u iathuh ba hadien ka jingioh positive jong ki 3 ngut ki nongtrei ha Secretariat, ki briew jong ka tnad ka koit ka khiah ki la leh ia ka jingtest ia ki 56 ngut kiba long ki High Risk Contact jong kine 3 ngut bad haduh mynta ka sngi, ki don 9 ngut ki nongtrei jong ka Secretariat kiba la test Covid -19.
Na ka liang jong u Dr War, u la iathuh ba haduh mynta ka jingwad ia ka contract tracing ka dang iaid shakhmat bad ia kine ki department kiba ki dn kine ki nongtrei, la khang shwa shipor. U Dr War u la ong ruh ba ka jingkhang shitaiew jong ka sorkar jylla ia ki riewpaidbah ban wan sha Secretariat kan long ruh ba ki briew jong ka tnad ka koit ka khiah kin lah ban wad ia ki briew kiba ia bit ia ka ne ka jingpang ha kane ka ophis.
Myn hynnin ka sngi u Symbud myntri rangbah ka jylla, u bah Prestone Tynsong u iathuh ba ha ka ar sngi yn pynkhuid bad synreit dawai ia ka building jong ka Meghalaya State Secretariat bad ia ka building jong ka Additional Secretariat bad kumjuh ruh ban iada na ka jingsaphriang jong kane ka jingpang Covid -19 ka Sorkar ka la shim ia ka rai ban khang ia ki riew paidbah ba kin wan sha kine ki ophis naduh ka 7 tarik u Nailur 2020 haduh ka 11 tarik u Nailur 2020.
Phi don ban ong eiei?