Sa 73 ngut ki don kiba ioh pang COVID19 ha Assam. Baroh kiba ioh pang, ki la poi sha ka 2,397 ngut ha katei ka Jylla.
U Himanta Biswa Sarma, myntri ka koit ka khiah ka sorkar Assam, u iathuh ba 4 ngut na kitei, ki dei kiba wan jingwan da ka liengsuin.
Kitei kiba dang ioh pang, ki don 21 ngut na Dhubri, 12ngut na Dima Hasao, 6 ngut na Goalpara bad 5ngut na Hailakandi, sa 5ngut na Kamrup, 1 na Mahendra Mohan Choudhury Hospital ha Guwahati.
Kham mynshwa, ha ka por nohsngi, la iathuh ba ki don 81 ngut, kiba ioh pang COVID-19 ha Assam bad baroh kiba ioh ia katei ka jingpang, ki la poi mynta sha ka 2324ngut.
Na kitei ki kynthup ia 40 ngut na Hojai, 7ngut na Barpeta, 7 ngut na Nagaon, 4 na Biswanath, 3 na Sonitpur, 2 na Karbi Anglong, uwei na Dibrugarh bad Lakhimpur.
Kiba dang shah sumar, ki don mynta 1,808 ngut bad 509 ngut ki la mih na hospital.
Phi don ban ong eiei?