Kiew sha ka 15ngut, kiba ioh ia ka jingpang Encaphalitis ha West Garo Hills

Shillong: Ka jingdon ki briew kiba ioh ia ka jingpang Japanese Encaphalitis (JE), ka la kiew sha ka 15ngut haduh hynnin ka sngi ha West Garo Hills, ong ka khubor bad katei ka dei hadien ka jinglap thymmai ia ki 13ngut kiba ioh ia katei ka jingpang hynnin ka sngi, ong shuh ka khubor. Ki bor jong ka West Garo Hills District, ki la shim khia bha halor kane ka jingpang bad ki la thaw ia ki lad ki lynti ban pynduh jait syndon ia katei ka jingpang kaba shyrkhei shibun eh.
Mynta ka sngi U Conrad Sangma, myntri rangbah ka Jylla, ula lum ia ki heh ka tnat ka koit ka khiah, ia U Deputy Commissioner lem bad kiwei de ki heh sorkar, ban iakren halor ka jingpang, kaba mih na katei ka jingpang.
U bah AL Hek, haba kren ha ki kotkhubor, u pynsngew ba ka sorkar, ka la trei tyngeh ban khanglad ia ka jing saphriang jong katei ka jingpang.