Ka jingiap ka la poi sha ka 10ngut mynta ka sngi, na ka jing ialeh pyrshah kiba kyrshan bad kiba pyrshah CAA ha ka nongbah Delhi.
Saw ngut ki briew, ki dei kiba la iap lypa bad ba la leit rah sha GTB Hospital bad sa 35ngut kiwei pat kiba mynsaw.
U Arvind Kejriwal, myntri rangbah ka Delhi, U Manish Sisodia, myntri rangbah ba ar ka Jylla, ki la leit jngoh ia kitei kiba mynsaw bad kiba shah sumar ha GTB Hospital bad ha kiwei pat ki jaka.
Haduh ka por ba thoh ia ka khubor, la iathuh ba ka jing ia kynad, ka dang bteng ha ki bynta jong ka Maujpur jong ka North East Delhi, ha kaba ki nong iakhih paidbah, ki la pynjot ia ki iing ki sem, ki lute ia ki jingdon jingem jong ki briew bad ki nongthoh khubor, ki shah shoh bad shah weng ia ki jingring video ba ki ring halor ki jingjia ha katei ka thain.
Ka khubor pulit, ka iathuh ba ki don 186ngut ki riew paidbah kiba mynsaw ha katei ka jing ia kynad ki ar kynhun bad nangta sa 56ngut ki pulit ruh kiba mynsaw, nalor ka jingiap jong u langrut heh hynnin ka sngi.
Balei la jan baroh ki ain ba pyntrei ka sorkar u modi iap briew shwa beit hadien sa pyntreikam ngi hap ban pyrkhat sani bha , kine kiei2 baroh kidei na kadaw ka jing bakla jong ka sorkar u modi. Da kynmaw paitbah kiei kiba lajia baroh hapoh ka jing pyniaid ka sorkar u modi