Kiew sha ka 107 ngut kiba iap, na ka jingtied pyrthat ha Bihar

Ka jingtied pyrthat bad ka jing thaba leilieh, ka la ktah jur ia ka jylla Bihar, ha ki ar sngi ba ladep.

Haduh mynta, ki don 107 ngut kiba iap, na ka jingtied pyrthat bad ka jing thaba leilieh, ong ka khubor bad nangta ki don sa shibun ngut kiwei kiba mynsaw bad ki jingdon jingem, kiba la julor jur, ong ki lad khubor.

Ka jingiap na ka jingtied pyrthat bad thaba leilieh, ka jia ha ki 23 tylli ki District jong katei ka Jylla, ha kaba ka Gopalganj, ka mad ia ka jing iap briew, kaba bun tam.

Kiba iap na katei ka jingjia, ki long ha Nawada bad Madhubani; Siwan bad Bhagalpur; East Champaran, Darbhanga bad Banka; Khagaria bad Aurangabad; West Champaran, Kishanganj, Jehanabad, Jamui, Purnea, Supaul, Buxar bad Kaimur; bad Samastipur, Sheohar, Saran, Sitmarhi, Madhepura.

Ki don sa 20 ngut kiba shah sumar ha ki hospital bapher, namar ka jing mynsaw, shah tied pyrthat. U Nitish Kumar, myntri rangbah ka Bihar, ula pynbna, ban siew pisa T.4 lak sha kito kiba iap na katei ka jingjia.