Kiew pyneh rngiew ka Seng Khasi ha u Lumsohpetbneng

Shillong 2 Rymphang:
Mynta ka sngi da ki hajar ngut ki paidbah kynthup ki rangbah samla, khynnah, ki tymmen kiba na kylleng ka ri Khasi Jaintia ki la wan ban kiew pyneh rngiew ha u lum Sohpetbneng.
Kane ka dei ka jing leit kiew kaba ju pynlong man ka snem da ki paid bah ba don ha ka niam tynrai ban pyneh rngiew ban pynksan ia ka bok ka nusip jong ka jaitbynriew ban lait na ki jingma bad ki nongshun ba u blei un ker un da.
Halor ka duwan, la pynlong ia ka nguh ka dem ka knia ka khriam ba la pyndep da ki longheh longsan.
Hadien ba la pyndep ia ka niam ka rukom, la pynlong ruh ia ka shad halor u lum.
U khaw eh rngiew la sam paidbah ha katei ka jaka ha kaba ki paidbah ba wan na kylleng ki jaka ki lah ban kham ia u.
Ha kawei ka liang, ka lynti ban poi sha khliar jong u Lum ka la pump um bha namar ba ka dang dei ka surok khyndeww. Bun kiba wan sha katei ka jaka, ki kwah ba ka surok ka dei ban long kaba bha namar ba katei ka dei ka jaka ba donkam man ka por bad man ka por.