Kiew kynsan ki nongthep vote ha Khasi bad Jaintia Hills

Shillong 14 Rymphang:
Ka jingdon jong ki nongthep vote ha ka Khasi-Jaintia Hills la sakhi ia ka jingkiew kynsan da ka jingpynrung sa 1, 81,850 ngut ki nongthep vote kiban thep vote ha ka 24 tarik mynta u bnai.
Ka thep kyrteng ki nongthep vote la pynlait ka la pyni ia ka jingdon jong ki nongthep vote ha Khasi Hills kaba long 6, 68,398 haba ianujor ia kaba la dep ha u snem 2009 kaba long tang 5, 30,599 ngut.
Ha Jaintia Hills ka jingdon jong ki nongthep vote ka long 2, 09, 217 ngut katba ha u snem 2009 ka long 1, 65,166 ngut.
Kumba ju long ha ki snem ba la dep, ki shyn rang ki kham bun ia ki kynthei. Na ka 8, 77,615 ngut, ki kynthei ki don tang 4, 53, 739.
Haduh 123 ngut ki kyrtong kin iakhun ia ka elekshon MDC sha ka KHADC kynthup 12 ngut ki kynthei, 89 ngut ha JHADC kynthup ar ngut ki kynthei.
Ar phew khyndai ngut ngut ki MDC yn jied na ka bynta ka KHADC bad ka JHADC katba mar uwei yn shu thung.